موال
اْه من ده الزمان ...واللى بيجرى فيه
بيميل عالاْصيل...والخســيس بيعليه
الغـــنى لو هايف...الكل بيجرى عليه
والاْصيل لو فقير ...الكل يـــبقى ناسيه
واْنا اللى اْصلى اْعلى منـــــــــــهم يا زمن
ضّيعت مالى وفيك باعونى باْرخص تمن
باعونى اللى اْشتريتهم
ســـابونى اللى حبيتهم
وخاننى اللى قلبى اْليه اْئتمن
وعلى مين اْعتب اْو اْلوم
غيرهم يا زمن
الاْغنيه
اخوك مايحبكش..... لو مال عليك الحال
ومراتك ما تعزكش.....اْلا بكـــــــتر المال
يا صاحبى نصيحه ليك
وشيلها جوه عيـــــــنيك
زمـــــــاننا ده زمان ....حاجه اْسمها فلوس
ممعكش تعيش تعبان ....والكل عليك يدوس
السبع بقى اْسمه جنيه....فى دنيا زى الغابه
وليه ما عملت حسابى .... من الاْول ليه يابا
اْنا عمرى جرى منى ....وضاع فى دنيا كدابه
لاصاحب فى شدتى ....ولا اْخ بيسئل عليا
واْن غاب عنى قرشى .....مين ياخد باْيديا
اْه منك يازمــــــــــان .....تاعبنى كتير قوى
جبت اللى ورا قدام.....والضعيف صبح قوى
حــــتى اْهل العشق......... بيكدبوا اللى غوى
واْنا غاوى للجمال .....بس معنديش مال
عاشق بقلب طيب .....ورايد فى الحلال
روحت لواحده قالتلى .....اْنت رصيدك اْيه
قلـــــــــــتلها حبى ليكى .....قالتلى يطلع اْيه
لا زمنك زمن عنتر ......ولا وقت الغراميات
لاعندك عمـــــارات......وفلوس بالدولارات
عشان اْطلب مهرى ......واْقوللك الشبكه هات
شوف حالك يا عريس.....الزمــــــــن منك فات
وكلامك كله رخيص ......من غير الجنيهات
